အငြိုး

 ကံကြွေးရှိလို့ ကုန်အောင်ဆပ်ရတယ်

သဘောထားပါတယ်...

သူနိုင်တယ်ဆိုလည်း ပျော်ပါစေ

ကိုယ်ရှုံးတယ်ဆိုလည်း ပြီးပါစေ

အငြိုးကို သံသရာထိ သယ်မသွားချင်ဘူး ။

" လူသတ်သမားတွေဟာ

 အခင်းဖြစ်နေရာကို တစ်ခေါက်တော့

 ပြန်လာတတ်ကြတယ် " တဲ့

ကိုယ်ဘယ်လောက်ပြိုလဲပြီး

ကိုယ်ဘယ်လိုတည်ဆောက်ခဲ့ရလဲ

မင်းကို မသိစေချင်ဘူး...

အကောင်းတိုင်းဖြစ်နေတာမြင်ရင်

စာနာတာလိုလို စောက်ပိုလိုလိုနဲ့

" အဆင်ပြေရဲ့လား " မေးမယ် မဟုတ်လား

အဆင်ပြေလားမေးမှ အဆင်မပြေအောင်

ပြိုလဲမယ့်သူဟာ ကိုယ်ပါ...

ပြန်တည်ဆောက်လိုက်

လာဖြိုချလိုက်နဲ့ ဘဝကြီးလည်း မလိုချင်တော့

အငြိုးကို သံသရာထိ သယ်မသွားချင်ဘူး ။

#ဆန်းကျော်စွာဝင်း